طرائف ببجي موبايل

ببجي اسوء 10 اسباب للموت ببجي موبايل PUBG

مما لا شك فية ان كل اللاعبين مهما كانت درحة احترافهم يموتون فى ببجي موبايل وربما اكتر من فوزهم , لكن هناك موت قد يسبب لك القهر والعصبية وربما الشلل المبكر اليوم فى هذا الموضوع نتعرض للموتات الاسوء و 10 من اسوء الموتات فى ببجي موبايل والتى ربما تجعلك تكسر الموبايل او الكمبيوتر او حتلا تجعلك تضحك من غرابة هذه الموتات

1- النذالة

اسوء احساس فى الكون احساس الغدر او النذالة واسوء شعور لما تعطى الامان لشخص ويخونك وفى ببجي موبايل ورغم ان التحالف غير قانونى الا ان بعض اللاعبين يتحالفون بغرض التعاون او حتى اللعب الجماعى ولكن ان يغدر بيك صديقك المتحالف معك قدد يدفعك ذلك لكره اللعبة بالكامل

الغدر
الغدر

2-الموت وانت بتعمل لقطة

يا سلام عليك لو بتعمل حركة حلوة ضد اسكواد وفعلا جهزت الحركة ونفذتها وموتت الاول والتانى ودخلت على الثالث برضة ولكن لسبب ما اتاخرت للحظة ودخلت على الرابع لقيتة صحى صاحبة ومش لوحدة , ازاى انا عامل حسابى ان فى واحد بس , الثانى دة جالى منين , معلش اللقطة مش ناوية تكمل ومت

لقطة موتسيكل ببجي موبايل
لقطة موتسيكل ببجي موبايل

3- بان 10 دقايق

يا سلام عليك وانت بتلعب مع اصحاب جيم سخن مولع وكل اصحابك ماتوا وانت ما عليك , 16 ولا 17 كيل ومافيش حد زيك وياسلام كمان لو كنت بتلعب موبايل ضد محاكيات ومشلوحهم كلهم وفجأة بعد قتلة حلوة تلاقى الرسالة الباردة اللى ظاهرة فى الصورة دى بان 10 دقايق , ساعتها تتوقع اية اللى ممكن يحصلك

بان 10 دقائق ببجي موبايل
بان 10 دقائق ببجي موبايل

4- الكمبرة

الان انت فى الحاويات ( الحاويات وليست سانهوك او منطقة بها حشائش مرتفعة) مزاجك حلو ونازل تقطيع وجلد فى السكوادات واحد يمينك والتانى شمالك كلة بيقع وبوتات بتترمى حواليك وبعد دقايق قليلة الحاويات كلها بقيت صناديق ومفيش ولا صوت لانك الناجى الوحيد وفعلا بدات تلوت كل الحاويات ومتجة للخروج من الحاويات فجاة تلاقى رصاتين جاوبوك من ضهرك من اعلى الابراج , انت ايه يا عم صنم ؟!!! دانا قتلت ولوت لحاويات وانت حتى ما ضربتش رصاصة ومش هدفك الكيلات خالص , خلينى اسألك سؤال انت ليه نازل الحاويات ؟!!!

قتلة بالكمبرة ببجي موبايل
قتلة بالكمبرة ببجي موبايل

5- خيال علمى

من الموتات العجيبة فى ببجي الموتات اللى انت ملكش اى دخل بيها ومش ذنبك اطلاقا ولكن فى موتة مميزة جدا وهى موتة الخيال العلمى , موتة الخيال العلمى انك فجاة وبدون سابق انذار تلاقى قلتش فى اللعبة طلعلك واحد قدامك او حتى اتنين فجأة قدامك وبدون حتى ما تشوفهم طالعين من السلم قدامك فى وجهك وقاتلينك , دى موتة فوق الخيال بصراحة

قتلونى بدون ما اراهم ببجي موبايل
قتلونى بدون ما اراهم ببجي موبايل

هنا من الممكن ان تشاركنا برأيك عن اسوء موتة تعرضلتها فى يوم من الايام

6- الزون الاخيرة

من اهم النصائح فى لعبة ببجي انك دائما وابدا شايف الزون ومتابعها وبتروح دايما للزون الجديدة قبل ما تهاجمك علشان لو دخلت فى معركة الزون متبقاش مشكلة بالنسبة لك , رغم ذلك ممكن ان الزون تظلمك رغم كل احتياطاتك الممكنة على سبيل المثال انت فى منطقة السجن Prison تحت والزون زنقتك وخصومك فوق وياسلام بقى لو خصومك دول فيهم واحد هكر , ساعتها انت بتبقى حاسس بالظلم الشديد وبرغبة فى كسر الموبايل للابد

الزون ببجي موبايل
الزون ببجي موبايل

7- الريد زون

لا يمكن ابدا ان نذكر الموتات الاسوء فى ببجي موبايل ولا توجد فيهم موتت الريد زون , انها الريد زون العجيبة التى قد تجيلك 3 مرات فى مكان واحد فقط كى تقتلك وتخيل ان هذة الموتتة جايلك بعد 15 كيل مثلا , وتخيل كمان ان القنبلة حتى منزلتش فى المكان اللى انت فيه وانما جانبك وبرضة موتتك , انها الريد زون المهكرة

الريد زون المهكرة
الريد زون المهكرة

8- خلال الجدران

من الموتات العجيبة والسيئة جدا فى لعبة ببجي موبايل موتة تتكرر معى كثيرا لدرجة الجنون وهى موتتة من خلال الجدران , هذه الموتة تحدث عندما تكون فى مواجهة مع خصمك واحد ضد واحد وتطلع لتضرب فية وتدخل وراء الجدار مرة اخرى وهكذا , ما يحدث هنا انك ورغم انك وراء الجدار وجسمك كلة مغطى تموت , لا اعلم هل هى قلتش او هكر او حتى بنج لكن الاكيد انها موتة متكررة وتقهر فعلا

الخصم امامى ببجي موبايل
الخصم امامى ببجي موبايل
موتة من وراء الجدار ببجي موبايل
موتة من وراء الجدار ببجي موبايل

9- حسبتها غلط

الحساب الخاطئ فى لعبة ببجي موبايل يعنى الموت , لو بتحارب خلال سيارة اعمل حسابك انها قد تنفجر فيك فى اى لحظة ولابد ان تأخد مسافة امنه من هذة السيارة والا فالموت قادم لك لا محالة ولا يشفع لك انك قتلت كل السيرفر وباقى الاخير , المركز الثاني ليس هدفك يا صديقى

قريب من السيارة ببجي موبايل
قريب من السيارة ببجي موبايل

10- انحشرت

فى ببجي موبايل قلتش غريب جدا وقد تنحشر , ربما يأتيك دروب يقف فوق رأسك ولا تستطيع الحركة او رجلك تثبت فى الارض ولا تستطيع التحرك او حتى تمر بجوار صندوق فتحشر بداخلة , الشعور هنا غريب جدا واشبة كما لو ان خصمك ربطك بالحبال ويستمر فى الضرب فيك بدون اى رد, هذه الموتة تكرر معى اكثر من مرة ولو انى كنت محظوظ وقتلت كل الاسكوادات التى مرت بجوارى وانا فى هذة الورطة ولكن بعدها وبرغم كل الضحك نتيجة الموقف الغريب عند تحرك الزون فستموت محشورا يا صديقى

انحشرت فى الحاويات ببجي موبايل
انحشرت فى الحاويات ببجي موبايل

هذه هى 10 من اسوء الموتات فى لعبة ببجي موبايل وهناك موتات اخرى سيئة واخرى مضحكة ولكن هذا لموضوع اخر باذن الله

الوسوم

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى
إغلاق
إغلاق